Чистартылмаган төзелеш мәйданнары һәм сәнәгать зоналарының җитәкчеләренә штраф салына

 (KZN.RU, 28-нче апрель). Шәһәрне санитар җыештыруның беренче этабы ахырына якынлаша. Соңарып килгән яз өчен шәһәр территориясеннән чүпчарны җыештыру да соң башланды. Башкарылган эш аз булмаса да, алда тагын да күбрәк эшләү көтелә, дип бәяләде Татарстан башкаласын санитар-экология җыештыруны тикшерү барышында Казан Мэры Илсур Метшин.

 “Бүген без шәһәрне вертолеттан карадык. Яшеллек әле чыкмау сәбәпле, югарыдан шәһәрнең төп артерияләре, сәнәгать һәм төзелеш мәйданнары территорияләре яхшы күренә. Шуны әйтергә кирәк: шактый эш башкарылган, әмма тагын да күбрәк эшләргә кирәк булачак”, - диде И.Метшин.

 Шәһәр башлыгында иң күп шелтәләр якындагы территорияне карап тору буенча сәнәгать предприятиеләре җитәкчеләренә карата барлыкка килде.

“Милекчеләр төп эшләрен башламаган төзелеш мәйданнарының торышы шулай канәгатьләндерерлек түгел һәм шәһәр яны полосасы. Әлеге мәсьәләләргә аерым игътибар итү кирәк”, - диде шәһәр башлыгы.

 Административ-техник инспекция идарәсе мәгълүматларына караганда, Казан территориясендә 200 рөхсәт ителмәгән чүплек ачыкланган. Аларның күбесе иске йортларда һәм алар тирәсендә. “Бу проблеманы бетерүгә акча бүленгән, әмма хуҗаларны ачыклау белән сораулар туа”, - ди Башкарма комитет Җитәкчесенең муниципаль контроль оештыру сораулары буенча урынбасары, АТИ Идарәсе башлыгы Рамил Муллин.

 Хәзерге вакытта хуҗалары ачыкланмаган 35 йортны туздыру һәм территорияләрен җыештыру эшләренә тендер игълан ителде. Һәр атна АТИ, Роспотребнадзор, ТР экология министрлыгы, Тышкы төзекләндерү һәм торак-коммуналь хуҗалык комитетлары вәкилләре кергән ведомствоара комиссия эш киңәшмәләре уздыра.

 Әлеге очрашулар барышында рөхсәт ителмәгән чүплекләр барлыкка килгән территория хуҗалары ачыклана. Аларга карата административ тәэсир итү чаралары кулланыла.  

 Бүген Казан Мэры йөкләмәсе буенча Казанның Башкарма комитет Җитәкчесе Алексей Песошин сәнәгать предприятиеләре җитәкчеләре белән эш киңәшмәсе үткәрә.