Илсур Метшин: «Санкцияләр илебез җитештерүчеләре һәм шәһәр икътисады файдасына уңай роль уйнады»

Бүгенгә Казанның муниципаль заказчылары 922 млн сумнан артык суммага 545 сатып алу яисә гомуми күләмнең 44%ын урнаштырды. Популяр платформа булып «ЗаказРФ» электрон сәүдә мәйданчыгы тора. Бу хакта аппарат киңәшмәсендә конкурент сәясәт һәм сатып алулар буенча дирекция җитәкчесе Равил Мөдәрисов хәбәр итте.

Аның сүзләренә караганда, 6242 сатып алу унитар предприятиеләрдән һәм акционерлык җәмгыятьләреннән чыгарылган, 2024 елга план 75%ка үтәлгән.

Туры килә торган өстәмә башкаручыларны сайлап алырга һәм кирәкле сыйфатлы материалларны дәүләт һәм муниципаль заказ генподрядчылары иң отышлы бәяләр буенча сатып алырга «ЗаказРФ»ның яңа функционалы ярдәм итә. Бу мәйданчыкта шәһәр эшмәкәрләренең табышы 79 млрд сумга җитте.

«Заказчыга тормышны җиңеләйтүче электрон мәйданчыклардагы барлык яңалыкларны башкарма комитет, оешмалар һәм МУП структураларына җиткерергә кирәк. Нәтиҗәләрне җиткерү һәм аңлату өчен, без конкурентлы сәясәт һәм сатып алулар буенча дирекция төзедек, аның бурычы – иң арзанны сатып алу, әмма шул ук вакытта сыйфатны саклап», – диде мэр Илсур Метшин.

Ул дирекциянең тагын бер бурычы – бюджет акчаларын максималь рәвештә экономияле тоту, дип өстәде. Мэр башкарма комитет бүлекчәләре хезмәткәрләренә җаваплы карарга һәм мәйданчык яңалыклары эшендә уңышлы кулланырга мөрәҗәгать итте. «Республиканың электрон мәйданчыгында тәкъдим ителгән тәэмин итүчеләрнең яртысы – Казан предприятиеләре. Санкцияләр үзебезнең җитештерүчеләр һәм шәһәр икътисады файдасына уңай роль уйнады, шуңа күрә әйдәгез бу эшне дәвам итик», – диде шәһәр башлыгы.

«ЗаказРФ» системасы бюджет оешмалары һәм бизнес вәкилләре өчен сатып алулар модульләрен үз эченә ала. «Биржа мәйданчыгында» алты мең республика тәэмин итүчесе теркәлгән, шуларның яртысы – Казан бизнесы вәкилләре. Алар бердәм кагыйдәләр буенча сату итәләр, нәтиҗәләр ачык кулланылышта бастырыла.

Әлеге модуль ярдәмендә акчаларны экономияләү 2022 елда 44 млн сум тәшкил иткән, ә 2023 елда – 90 млн сум. Хәзерге вакытта сатып алуларның нәтиҗәлелеге уңай динамикасы – 40 млн сумнан артык.

300 меңнән артык позициядә «Тәкъдимнәр каталогы» модуле бар, ул товар җитештерүчеләре продукциясен түләүсез рекламалау булып санала. «Сатып алучыларның чикләнмәгән саныннан сатып алулар базарына керү мөмкинлеге потенциаль катнашучыларны эзләү һәм белдерү юлы белән тәэмин ителә», – дип ачыклык кертте Равил Мөдәрисов.