И.Метшин: «Ягулык сезонын тәмамлау өчен тагын да тотрыклырак җылылык көтәбез»

Март ахыры һәм апрель башы берничә җылылык рекордын узды. Шуңа бәйле рәвештә, казанлылар фатирларда ягулык сезонын тәмамлауны сорап ешрак мөрәҗәгать итә башладылар. «Ягулык сезонын җибәрү, аны тәмамлау кебек үк – бу вентиль белән уен «ачтың – яптың» түгел, бу бөтен шәһәр буенча килештерелгән чаралар комплексы», – дип аңлатты бүген эшлекле дүшәмбедә Казан мэры Илсур Метшин.

Шәһәр башлыгы билгеләп үткәнчә, агымдагы атна синоптиклар фаразы буенча салкын булачак, шуңа күрә ягулык сезоны иртәрәк тәмамланмаячак.

«Фаразлар буенча яңа атна төннәр буенча минуслар белән салкын булачак, шуңа күрә ягулык сезонын тәмамлау өчен тагын да тотрыклырак җылылык көтәчәкбез», – дип йомгаклады шәһәр башлыгы.