Башкарма комитет Аппаратының контроль һәм коррупциягә каршы эш идарәсе җитәкчесе итеп Гүзәл Хәсбиуллина билгеләнде

Казан Башкарма комитеты Аппаратының контроль һәм коррупциягә каршы эш идарәсе белән Гүзәл Хәсбиуллина җитәкчелек итә башлады. Бу хакта бүген аппарат киңәшмәсендә ТР башкаласы мэры Илсур Метшин хәбәр итте.

Гүзәл Фәргать кызы Башкарма комитет эше белән яхшы таныш, 2007 елдан икътисади үсеш комитетында эшләде, соңгы 10 елда анда беренче урынбасар вазифасын башкарды», – дип билгеләде Казан мэры.

Контроль һәм коррупциягә каршы эш идарәсенең яңа түрәсенә шәһәр башлыгы эшендә уңышлар теләде. «Тәҗрибәле белгеч, сездән эшчәнлекне яхшырту буенча яңа идеяләр көтәбез, ул беренче чиратта башкарма комитет эшенең нәтиҗәлелеген арттыруга һәм халкыбыз файдасына юнәлдереләчәк», – дип йомгаклады Илсур Метшин.

 Белешмә

Хәсбиуллина Гүзәл Фәргать кызы 1984 елның 29 октябрендә Казанда туа. 2007 елда оешма менеджменты, менеджер юнәлеше буенча Казан дәүләт технология университетын тәмамлый.

2007-2008 елларда сәнәгать икътисады бүлегенең 1 категорияле белгече, «Казан шәһәре Башкарма комитеты Аппараты» муниципаль учреждениесе  икътисади үсеш комитетының хезмәт ресурслары бүлегенең 1 категорияле белгече булып эшли.

2009 елның гыйнварыннан 2009 елның ноябренә кадәр «Казан шәһәре Башкарма комитеты Аппараты» МУ икътисади үсеш комитетының хезмәт ресурслары бүлегенең әйдәп баручы белгече була.

2009 елдан 2011 елга кадәр «Казан шәһәре Башкарма комитеты Аппараты» МКУ икътисади үсеш комитетының сәнәгать һәм хезмәт ресурслары бүлеге баш белгече була.

2011 елдан 2016 елга кадәр «Казан шәһәре Башкарма комитеты Аппараты» МКУ икътисади үсеш комитетының сәнәгать һәм хезмәт ресурслары бүлеген җитәкли.

2016 елдан 2025 елга кадәр «Казан шәһәре Башкарма комитеты Аппараты» МКУ икътисади үсеш комитеты рәисенең беренче урынбасары вазифасын били.