И.Метшин Шиһабетдин Мәрҗани урамындагы биналарның фасадлары турында: «Бу милекчеләр белән фикре алышуны таләп итә торган зур эш»
алга таба укырга-
Бауман урамындагы видеокүзәтү камералары һәм түләүсез WI-FI – Казанның тарихи үзәге ничек камилләштерелә
-
Илсур Метшин тарихи үзәктәге үзгәрешләр турында: «Без архитектура бергәлеге, төзүчеләр белән нәзакәтле эшләргә тырышабыз»
-
Бу елны «Безнең ишегалды» программасы ярдәмендә Вахитов һәм Идел буе районнарында 104 йорт яны территориясе төзекләндереләчәк
-
59 нчы Казан чаңгы марафонында 600 дән артык спортчы катнашачак
-
И.Метшин: «89 мм га якын явым-төшем теркәлде, бу гадәти нормадан ике ярым тапкырга күбрәк күрсәткеч. 1966 елгы рекорд 6 мм га кимрәк иде»
-
Татарстан башкаласында язгы авыл хуҗалыгы ярминкәләре 14 мартта башлана
-
Р.Миңнеханов кар җыю турында «Шәһәр хезмәтләре соңгы проблемаларны тиз хәл итте»
-
И.Метшин: «Шәһәр үсә, транспортны бөтен агломерация масштабында үстерергә кирәк»
-
Казанда күпфатирлы йортлар түбәсендәге 21 котельныйны төзекләндерергә кирәк
-
И.Метшин: «Бүгенге көндә Казандагы 192 мәктәпнең 44е яңа төзелгән, 137 се капиталь төзекләндерелгән»
-
Казан яңа төзелгән объектларны файдалануга тапшыру күләме буенча миллионнан артык халык булган шәһәрләр арасында икенче урында тора
-
Р.Миңнеханов: «Без коммуналь инфраструктураны яңартуга юнәлдерелгән акчалар санын 10 тапкырга арттырдык»
И.Метшин: «Шәһәр үсә, транспортны бөтен агломерация масштабында үстерергә кирәк»
Казанга транспорт системасын яңарту кирәк: искергән йөзләгән автобусны алыштырудан алып трамвай юлларына һәм энергия челтәрләренә капиталь ремонт ясауга кадәр. Бу хакта бүген Казан шәһәре Думасының хисап сессиясендә шәһәр мэры Илсур Метшин һәм Татарстан рәисе Рөстәм Миңнеханов белдерде.
Мэр сүзләренчә, 106 шәһәр автобусы үзләренең норматив вакытын тулысынча үтәгән һәм алыштыруга мохтаҗ. Әмма техника сатып алу – проблеманың бер өлеше генә. Электр транспорты инфраструктурасы куркыныч хәлдә: контакт-кабель челтәрләре, тарту ярдәмче станцияләре һәм трамвай юллары тузган.
Илсур Метшин ассызыклаганча, республика ярдәменнән башка шәһәр предприятиеләре кирәкле капитал салу күләмен үти алмаячак.
«Без Россиядә беренчеләрдән булып 2007 елда ук әлеге тармакта тәртип урнаштырдык, тәртипсез йөрүләрне һәм «Газель» узышларын бетердек. Бүген җәмәгать транспортыннан көн саен 750 меңнән артык пассажир файдалана. Шәһәр үсә, һәм транспортны бөтен агломерация масштабында үстерергә кирәк», – дип билгеләп үтте шәһәр башлыгы.
Узган ел республика җитәкчелеге ярдәме белән парк газ-мотор ягулыгында эшли торган 30 яңа НЕФАЗ автобусы белән тулыланды. Хәзер Казанда экологик машиналар өлеше 58% тәшкил итә.
Татарстан Республикасы рәисе Рөстәм Миңнеханов паркны яңарту буенча даими эш булачагын, ә электр транспорты проблемаларының аеруча эшкәртеләчәген раслады. «Без сатып алуларны ел саен планлаштырабыз. Шул ук вакытта трамвайларның маршрут челтәре һәм электр хуҗалыгы буенча җитди сораулар бар. Бу теманы без Казан буенча гына түгел, Яр Чаллы һәм Түбән Кама буенча да беләбез – эшләячәкбез», – дип белдерде республика башлыгы.
Хәзер Казанның юл челтәрен һәм транспортын үстерүнең тулы концепциясен эшләү төгәлләнә. Рөстәм Миңнеханов җәмәгать транспортының эре шәһәрләр өчен әһәмиятен ассызыклады. Аның сүзләренчә, халыкны җәмәгать транспортына күчермичә юллар тыгызлыгы проблемасын хәл итеп булмый.
«Дөресен әйтергә кирәк: җәмәгать транспорты өстенлегеннән башка метро да, яңа автобуслар да бөкеләр проблемасын хәл итмәячәк. Һәркем шәхси автомобилендә барып җитә алмый – шәһәр туктап калачак. Эшләнелә торган концепциядә сәер булып тоелган карарлар булырга мөмкин, әмма бу ике сәгать тоткарлыкта уздыруга караганда яхшырак», – дип йомгаклады Татарстан рәисе.