«Чын байлык – син бүлешкән нәрсә»: Казанда «Шамов йортында» Сбербанкның махсус офисы ачылды

Казанның тарихи үзәгендә Sber Private офисы эшли башлады. Элиталы клиентлары өчен әлеге киңлек Бутлеров урамындагы 39 / 18 бинада ачылды һәм банкның төбәктә таралуына бер стратегиягә әверелде. Офис югары хосусыйлык, иминлек һәм уңайлылык стандартларын исәпкә алып проектланган. Ачылу тантанасында Казан мэры Илсур Метшин катнашты. 

«Без Сбер белән партнерлыкны һәрвакыт кадерлибез. Татарстан территориясендә бик күп мөһим инициативалар гамәлгә ашырылды. Бүген Сбербанк – профессионаллар командасы гына түгел, ә күп кенә инвестиция проектларының этәргече дә. Без сезнең белем бирү программалары, ЯИ һәм югары технологияләр өлкәсендәге эшләнмәләр өчен сынау төбәге булуга шатбыз. Сез заман белән бергә атлап кына калмыйсыз, ә заманнан алданрак эшлисез», – диде Илсур Метшин. Шәһәр башлыгы билгеләп үткәнчә, компания елдан-ел үз клиентлары өчен яхшыра бара. «Без компания белән озак еллар хезмәттәшлек итәбез. Сберның финанс күрсәткечләрендә генә түгел, ә киңлекләрне рәсмиләштерүгә якын килүдә һәм клиентларга хөрмәт күрсәтүдә дә никадәр үскәнлеге күренә. Без сәүдәгәр Шамов нигез салган бинада, һәм бүген яңа эшмәкәрләр шулай ук безнең мәдәнияткә һәм тарихыбызга хөрмәт белән сугарыла. Уңышлар телим!», – диде Илсур Метшин. 

Эре шәхси капиталга ия булган клиентларга хезмәт күрсәтү өчен билгеләнгән яңа офис шәһәрнең тарихи өлешендә – сәүдәгәр Яков Шамов йортында урнашкан. 

«Без традицияләр заманча финанс карарлары белән ярашкан киңлек булдырдык. Дизайн проектында XIX гасыр Казан эшмәкәрлегенең мәдәни коды белән илһамлангандык – Шамовлар, Кривоносовлар һәм Апанаевлар кебек сәүдәгәр нәселлләре эш һәм социаль җаваплылык аерылгысыз булган алымга нигез салдык. Шулай ук бу мирасны интерьер фәлсәфәсе аша яңача аңладылар: гадәти татар үсемлек бизәге яңа тормыш һәм  «Вакыт челтәре» – «Кружево времени» исемен алды. Башы һәм ахыры булмаган бу бизәк кыйммәтләрнең дәвамчанлыгын символлаштыра. Казанда Private Banking офисын ачу – элиталы хезмәтне үстерүдә мөһим адым», – диде Сбербанкның Идел-Нократ банкы рәисе Александр Анащенко. 

Челтәрнең һәр офисы төбәк контекстын исәпкә алып проектлана. Казанда интерьер концепциясендә төп рольне җирле эшмәкәрлекнең тарихи гореф-гадәтләренә һәм республиканың мәдәни кодына мөрәҗәгать итү уйный. 

Офис банк бүлеге буларак кына түгел, эшлекле аралашу өчен мәйданчык үзенчәлекләрен дә үти. Офиста өч сөйләшү бүлмәсе бар - «Нәсел», «Нур» һәм «Иҗат», аларның исемнәре татар телендә кабатланган. Алар XIX гасыр татар сәүдәгәрлеге принципларын чагылдыра. 

«Концепцияне эшләгәндә без матур форма булдырырга гына түгел, ә аны тирән эчтәлек белән тутырырга да омтылдык. Казан сәүдәгәрләре һәм иганәчеләре биографияләрен өйрәнеп, без аларның өч төп кыйммәтен аерып күрсәттек. Беренчесе – дәвамлылык: бизнес һәрвакыт гаилә эше булды. Икенчесе – гаҗәеп сыгылмалылык: Казан эшмәкәрләре теләсә нинди үзгәрешләргә яраклаша һәм яңартулар кертә белгән. Өченчесе – юмартлык: алар акча җыеп кына калмадылар, бирделәр дә. Чын байлык – син бүлешкән нәрсә. Заманча эшмәкәрләр бу чыганаклар турында онытмасыннар иде», – диде Сбербанкның «Татарстан банкы» бүлекчәсе идарәчесе Руслан Сәлимов. 

Милли төсмер интерьерда чагыла. Интерьер проекты XIX гасыр Казан эшмәкәрлеге мирасы атаклы сәүдәгәр Шамовлар, Кривоносовлар һәм Апанаевлар нәселләре белән чорыннан рухландырылган. Монда гадәти татар үсемлек бизәге заманча стильдә яңача аңлатыла һәм «Вакыт челтәре» – «Кружево времени» исемен ала. Бу бизәк кыйммәтләрнең һәм буыннар бәйләнешенең дәвамчанлыгын гәүдәләштерә. 

Шулай ук рецепция өстәленең махсус элементы – люстра. Сәнгать объектын төзегәндә дизайнерлар милли бизәнү әйберләре – татар чулпылары (хатын-кыз бизәнү әйберләре) белән илһамланган. 

Ә «Нур» залында Татарстан Республикасы Дәүләт сынлы сәнгать музее белән берлектә оештырылган Казан рәссамы Ринат Әхмәтов эшләренең даими экспозициясе бар. 

Килүчеләргә уңайлы булсын өчен офиста берләштерелгән GigaChat ярдәмчесе булган яңа буын банкоматы урнаштырылган. 

Sber Private Banking килешүләрне тулысынча озата баруны һәм капитал белән идарә итүне тәэмин итә. Клиентларга финанс һәм финанс булмаган инструментларның киң төрлелеге: классик банк һәм кертем продуктлары, акча агымнарын структуралаштыру һәм салым планлаштыру, мирас мәсьәләләрен юридик яклау һәм озата бару, хәйрия проектларына ярдәм итү, кыйммәтле ташлар белән операцияләр: тәңкәләргә һәм коелмаларга керү мөмкинлеге, шулай ук аларны җаваплы саклау мөмкинлеге бар.