Илсур Метшин: «Пасха – җирдә яшәлгән һәр мизгелнең кыйммәте турында уйлану вакыты»

 Казан мэры Илсур Метшин ТР башкаласында яшәүче христианнарны Пасха белән котлады.

Хөрмәтле казанлылар!

Шәһәребезнең православие дине вәкилләрен Христосның Яңадан туу бәйрәме – Пасха белән чын күңелдән котлыйм!

Бу язгы, озын кыштан соң табигать җанланган матур көннәрдә, бөтен дөнья христианнары олы вакыйганы – Христосның Яңадан терелү могҗизасын искә ала. Әлеге бәйрәм, яңаруны һәм яңадан тууны гәүдәләндереп, тормышның мәңгелек булуы, ә яктылыкның һәрвакыт тантана итәчәге турында хәбәр итә.

Пасха – җирдә яшәлгән һәр мизгелнең кыйммәте турында уйлану вакыты. Ул шәһәребез халкына якын булган, безне берләштергән, шул ук вакытта тормышыбызны чын ярату һәм мәгънә белән баеткан, игелекле гамәлләр кылырга этәргән югары рухи идеаллар хакында искәртә.

Бәйрәм көнендә сезгә нык сәламәтлек, бәхет һәм барлык изге башлангычларыгызда уңышлар телим! Күңелләрегезгә шатлык һәм җан тынычлыгы иңсен, гаиләләрегездә – мәхәббәт, йортларыгызда татулык яшәсен!