Екатерина Ямбаршева Казан башкарма комитеты бүлекчәләренең берсен җитәкләде

«Казан шәһәре иҗтимагый үзәге» МКУ директоры итеп Екатерина Ямбаршева билгеләнде. Аппарат киңәшмәсендә кадрлар билгеләнүе турында шәһәр мэры Илсур Метшин хәбәр итте.

«Студентлар эскәмиясеннән Екатерина Ямбаршева Аркадий Гайдар исемендәге Яшьләр үзәгендә эшләде. Аннары үзен матбугат хезмәте өлкәсендә һәм Киров һәм Мәскәү районнары администрациясендә массакүләм мәгълүмат чаралары белән хезмәттәшлек итү эшендә ачык күрсәтте, анда белгечтән бүлек җитәкчесенә кадәр үсте. Аннары аны Татарстан рәисе администрациясенең мәгълүмат-аналитика идарәсенә эшкә чакырдылар», — дип сөйләде Илсур Метшин.

Ул: «Казан шәһәре иҗтимагый үзәгенең яңа директоры - җаваплы, максатчан һәм профессиональ хезмәттәш. Ул Казан командасына җитәкче вазифасына кайтты», — дип өстәде. 

Исегезгә төшерәбез, элек Казан шәһәре иҗтимагый үзәге директоры вазифасын Алина Хәбибуллина биләгән иде. Февральдә аны ТР Түбән Кама районы Советы аппараты башлыгы итеп билгеләделәр.

Белешмә 

Екатерина Сергеевна Ямбаршева 1994 елның 1 нче февралендә Оренбург өлкәсенең Ташлы районы Кандалинцево авылында туган. 2015 елда «Инноватика» белгечлеге буенча югары һөнәри белем бирү ФДБМУ «КМТТУ» тәмамлады.

2016 елның августыннан 2022 елның гыйнварына кадәр баш белгеч, бүлек җитәкчесе урынбасары, аннары ММЧ белән хезмәттәшлек итү бүлеге һәм Киров һәм Мәскәү районнары администрациясендә мәгълүмати-аналитик эш бүлеге җитәкчесе булып эшләде.

2022 елның февраленнән 2023 елның маена кадәр баш киңәшче вазифасын биләде, ә аннары ТР рәисенең мәгълүмати-аналитик идарәсенең аналитик бүлеге башлыгы урынбасары булып эшләде.

Бүләкләре һәм казанышларе: нәтиҗәле дәүләт хезмәте, хезмәттәге бурычларын намуслы үтәгәне һәм эшендә югары күрсәткечләре өчен ТР рәисе администрациясе җитәкчесенең рәхмәт хаты (2024); Киров һәм Мәскәү районнары иминлегенә намуслы хезмәте өчен Киров һәм Мәскәү администрациясенең мактау грамотасы (2021); «Интернет-коммуникацияләр лидерлары» конкурсының ярымфиналисты (2021); Казан башкарма комитетының Worldskills стандартлары нигезендә һөнәри осталык буенча 45 нче дөнья чемпионатын әзерләүдә һәм уздыруда катнашкан өчен мактау грамотасы; «ММЧ һәм PR белән хезмәттәшлек» номинациясендә  «Муниципаль идарәнең иң яхшы хезмәткәре» шәһәр конкурсы финалисты (2018); Киров һәм Мәскәү районы иминлегенә намуслы хезмәте һәм җәмәгать тормышында актив катнашканы өчен Киров һәм Мәскәү администрациясе башлыгының мактау грамотасы.