Илсур Метшин казанлыларга республика һәм шәһәр бүләкләрен тапшырды

Ратушада дүртенче чакырылыш Казан шәһәре Думасының XXXIV сессиясе ачылды. Утырыш башланыр алдыннан шәһәр мэры Илсур Метшин республика һәм шәһәр үсешенә зур өлеш керткән кешеләргә республика һәм шәһәр бүләкләрен тапшырды. 

«Батырлык өчен» медале белән Радж Хәлфин, ә I дәрәҗә «Батырлык өчен» медале белән Али Корбанов бүләкләнде.

Республиканың төзелеш тармагын үстерүгә керткән өлеше һәм күпьеллык нәтиҗәле хезмәте өчен «Стандарт-Проект» ҖЧҖ генераль директоры Гөлнур Балтабаева «Фидакарь хезмәт өчен» медале белән бүләкләнде.

«Татарстан Республикасының Атказанган табибы» дигән мактаулы исем Казанның 2 нче клиник хастаханәсенең кардиология бүлеге мөдире Вадим Әхмәтҗановка бирелде.

«Татарстан Республикасының Атказанган торак-коммуналь хуҗалыгы хезмәткәре» мактаулы исеменә «Шәһәрне төзекләндерү» МУП катнаш юл машинасы машинисты Владимир Бибикин һәм «Горводзеленхоз» шәһәр су һәм яшелләндерү хуҗалыгы җитештерү трестының агач-үсемлекләр утырту эшчесе Минзалия Зиннурова лаек булдылар.

«Татарстан Республикасының атказанган мәдәният хезмәткәре» мактаулы исеменә Казанның Мәскәү районы «Шарм» сәнгать үзәге педагог-оештыручысы Иван Остроумов лаек булды.

Шәһәрнең җирле үзидарә органнарындагы нәтиҗәле хезмәтләре һәм һөнәри эшчәнлектәге казанышлары өчен Авиатөзелеш һәм Яңа Савин районнары администрациясе Аппаратының элеккеге җитәкчесе Эмиль Әхмәтгәрәев һәм Казан Башкарма комитеты Аппаратының Эшләр идарәсе секторы мөдире Алексей Ракчеев Татарстан Республикасы рәисенең Рәхмәт хатын алдылар.

«Казан файдасына хезмәт һәм фидакарьлек өчен» билгесе белән La Primavera Казан камера оркестры директоры, сәнгать җитәкчесе Рөстәм Абязов һәм С.П.Горбунов исемендәге Казан авиация заводы – «Туполев» акционерлык җәмгыяте филиалының механик җыю эшләре слесаре Шаһимәрданов Рамил Әнвәр улы бүләкләнде.

Казанның Авиатөзелеш һәм Яңа Савин районнары администрациясе башлыгының элеккеге беренче урынбасары Марат Мәхмүтов «Казанга намуслы хезмәте өчен» аерымлык билгесе белән бүләкләнде.

Казан мэрының Рәхмәт хатлары белән «Казэнерго» АҖ Совет энергорайонының электр-газ белән эретеп ябыштыручысы Владимир Горбунов, Казан шәһәре Думасы Аппаратының баш белгече Евгения Логинова, КФУның дәүләт һәм муниципаль идарә югары мәктәбе директоры урынбасары Наталья Аксенова һәм HeadHunter Казан филиалы директоры Альбина Солтанова бүләкләнде.